Islandimi inuit akerliussutsimik takutitsisaqattaarput
Akerliussutsimik takutitsisut naalakkersuisunik tatiginnikkunnaarput, naalakkersuisunillu tunuaqqusillutik piumasaqarlutik.
Taassuma saniatigut aningaaseriviit Islandip aningaasarsiornikkut ajornartorsiuteqarnera pillugu paasissutissiillaqqinnerusariaqarneranik piumasaqarput.
Akerliussutsimik takutitsinerit arfininngornerit sisamat kingulliit ingerlanneqaqattaarput, akerliussutsimillu takutitsisut amerliartuinnarput.
Nunarsuarmi aningaasaqarnikkut ajornartorsiorneq Islandimi aningaasaqarnermut kingunerlutsitsivoq. Islandimiut koruuniata naliga ukiup aallartinneraniit maannamut 40 procentimik appareerpoq, taassumalu kingunerisaanik islandimiut aningaasaataaruttut amerlapput.
Islandimi aningaaseriviit annerit pingasut oktobarimi naalagaaffimmit aqunneqalerput, naalakkersuisullu nunanut allanut ikioqqullutik saaffiginissuteqarput.