Islandimi imigassamik pinaveersaartitsineq iluatsilluartoq nunatsinni atussasoq

Taamaammat pilersaarusiaq Youth Europe paasisassarsiorfigalugu peqqissutsimut naalakkersuisoq Agathe Fontain ilinniartitaanermullu naalakkersuisoq Doris J. Jensen sapaatip akunnerata siuliani Islandimiipput.

Jón Sigfússon pilersaarummi akisussaasuuneq oqaluttuarpoq, suliniummi inuusuttut imigassartortalernissaannut aarlerinartut assigiinngitsut suussusersinissaat pineqartoq – tamannalu piviusumik sulissutigalugu.

- Inuusuttut avatangiisaat sunnerniarsaraagut assersuutigalugu angajoqqaat ataatsimoortut, atuarfinni avatangiisit, sunngiffimmilu susassaqartitsinissamut neqeroorutit, Jón Sigfússon oqarpoq.

Suliap annerpaartaani angajoqqaat meeraasa atugassarititaanik suut pitsanngorsarneqarsinnaaneranik ilinniartinneqarnerupput.

- Angjoqqaat meeqqami unnukkut kingusissukkut aneersittassanngikkaat ilaatigut ilinniartitsissutigaarput. Aammattaaq meeqqami piviusumik ilaginissaannut ilinniarput, Jón Sigfússon oqarpoq.

Taassuma oqaluttuaraa angajoqqaat ukiut 20-t matuma siornanut sanilliullugu meeqqatik piffissaqarfigineruleraat. Nillartaartitsivinnut kajungerisartunik, postkortinillu meeqqat angajoqqaallu iliuutsinut pitsaasunut ilaatigut eqqaamasaqartinneqarput, taakkulu iluaqutaapput, Jón Sigfússon oqarpoq.

Sunngiffimmi susassaqartitsinermi sammisassat suut meeqqat peqataaffigisarneraat pineqanngilaq, sammisassalli qanoq aaqqissuulluagaatigineri, qanorlu inersimasunit nakkutigineqartigineri pineqarlutik.

Islandimi meeqqamut ataatsimut sunngiffimmi sammisassanut 430 euro tapiissutigineqarput. Aningaasat qinnutigineqartussanngillat. Tamanilli atorneqarsinnaatitaallutik, Jón Sigfússon oqarpoq.

Pilersaarummut paasissutissat uannga aaneqarsinnaapput.