Letlandimi imerniartarfiit Europami nunani siulliullutik ammaqqipput Islandilu maanna tulliulluni.Assi: Gary J. Wood/flickr

Islandimi imerniartarfiit qitigiartarfiillu ammaqqittut

Islandimi killilersuinerit ataasinngornermi qasukkarneqarmata qitigiartarfiit inunnik 200-nik isersimasoqarsinnaanngorput.

Islandip illoqarfiisa pingaarnersaanni Reykjavikimi qitigiartarfiit ammaqqipput, imigassanillu sassaalliisoqaqqilerluni.

Imerniartarfiimmi qitigiartarfiillu coronap ajornartoortitsinerani sapaatit akunnerini qulingiluani matoqqareerlutik ataasinngornermi ammaqqipput

Islandimi imerniartarfiit ataasinngornermi ualikkut nalunaaqutaq tallimanngortoq ammaqqipput, malunnaatilimmilli allannguuteqarpoq.

Imerniartarfiimmi ulluinnarni ullaassakkut nalunaaqutaq pingasut tungaannut, sapaatillu akunnerisa naaneranni tallimanut qiteqqunnissaata tungaanut ammasarsimasut maanna nalunaaqutaq aqqanermut matusassapput.

AAMMA ATUARUK Island avammut ammaqqinnissaminut marlunnik periarfissiisoq

Letlandimi imerniartarfiit Europami nunani siulliullutik ammaqqipput Islandilu maanna tulliulluni.

Korea Kujalliup illoqarfiisa pingaarnersaanni Seoulimi imerniartarfiit qitigiartarfiillu maajip aallartisimalaarnerani ammaqqipput, coronavirusili kinguninngua tuniluutileqqimmat matoqqinneqarlutik.

Coronavirusip tuniluunnera unikaallatsissimallugu Islandip oqaatigaa. Inuit qulit coronavirus Islandimi maannamut toqqutigisimavaat, katillugillu 1800-t missaat tunillanneqarsimallutik.

Imerniartarfiit qitigiartarfiillu ammarneqarnerisa saniatigut timigissartarfiit Islandimi ataasinngornermi aamma ammaqqipput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat