Islandimi ikiaroornartuerniat tigusaasut
Inuit arlallit Islandimi manna tikillugu ikiaroornartulerinermi annerpaami tigusarineqarsimapput. Nutaarsiassaleriffik Ritzau ullaarmanna taama nalunaaruteqarpoq.
Manna tikillugu Islandimut ikiaroornartumik eqqussuinermi annerpaami Islandimi inuit tallimat, Norgimi ataaseq aamma Danmarkimi inuit marluk tigusarineqarput.
Ikiaroornartuerniat suleqatigiit Europami politiit suleqatigiiffiata, Europol-ip paasisimavai. Tigusarinninneq pivoq ilaatigut Islandimi, Savalimmiuni, Danmarkimi Norgimilu politiit suleqatigiinnerisigut. Suliamilu pineqartumi amerlanerusunik tigusarinnittoqarnissaa Europolimit ilimagineqarpoq.
Ikiaroornartut amfetaminit 50 imlt.60 kiilunik oqimaassuseqartut Islandimi illoqarfeeqqami Faskrudfjordur-imi umiatsimiittut nassaarineqarput.