Islandimi EU-mi ilaasortanngornissaq taasissutigineqassagunavippoq
Namminersulerniat partiiat ulluni makkunani ataatsimeersuartoq Islandip EU-mut ilaasortanngornissaanut suli akerliuneraraluarpoq, maannali aningaasaqarnikkut ajornartorsiornerujussuup kingunerisaanik Islandip koruuniata naleerunnera pillugu EU-mut ilaasortanngornissaq siuariartoqqilernissamut aqqutissaasorilerpaat.
Aniingaasaqarnikkut ajornartorsiuleruttorfiup nalaani partii Islandimi ministeriunerutitaqarsimavoq.
Taamanilu statsministeriusoq Geir Haarde aningaasaqarnerup sussaanngilluinnalerneranut pisooqataanini pillugu ippassaq tamanut utoqqatserpoq.
EU-mut ilaasortanngornissaq innuttaasunut taasissutigineqarpat angertut amerlanerussuteqarnissaat suli qularineqaraluarpoq.
Islandimi aalisarnermik inuussutissarsiuteqarnerup EU-mut ilaasortanngornikkut ajorseriarnissaa ilimagineqarpoq, Islandimmi piumanngittuarsimavaa EU-p Bruxelles-imi qullersaqarfiata aalisakkeriveqarnerminnut nukissiuuteqarnerminnullu akuliunnissaa.