Islandimi eqalussuup nuliata tipittup juulliaraq ammartarpaa
decembarip 23-at 2004 05:46
Eqalussuup nulia, tarraleqisaamik aamma taaneqartartoq tippassigaq neritinnagu Islandimi juulliararnavianngilaq.
Islandimiit ilanngutassiortorput Benedikte Thorsteinsson oqaluttuarpoq angerlarsimaffippassuarni igalaat tamarmik ullumi ammassagunartut, ileqquusummi malillugit islandimiut amerlanersaat eqalussuup nulianik, qaammatini arlalinni tippassiamik ulloq manna nerisarput. Eqalussuup nuliaammi tippassiat tipingaaramik aalisagaarniarfinni silaannaakamik poorsimatinnagit nioqqutigeqqusaanngillat.
Naatsorsuutigineqarpoq eqalussuup nuliai 20 tonsit juulliaraq aqagukkaangat Islandimi nerineqartartut.