Sakkutuup danskip Islandimi tulummit 2004-mi ukiakkut toqutaanera Islandimi eqqartuussiviit qullersaata aalajangiiffigaa.
Tuluk Islandimi nunasisoq qaammatini 18-ini pineqaatissinneqarpoq, qaammatit pineqartut iluanni pinerluuteqaqqissimaguni qaammatini 15-ini paarnaarunneqartussanngorluni.
Danskip sakkutuup timmisartotartup premierløjtnant Flemming Tolstrupip, Islandimi neriniartarfimmiitilluni niaqqumigut ataasiarluni attorneqarnini toqqutigaa.
Toqutsisup danskit sakkutuuannik toqutsinissi siunertarisimanngikkaa eqqartuussivimmit erseqqissarneqarpoq.
- Sivikitsukullammik silaarulluni puuarrallannerup kingunerisaanik tuluk toqutsivoq, iliuutsinilu erngerluni nassuerutigaa peqqissimillunilu.
Toqutaasup angajoqqaavi 200.000 koruuninik taarsiiffigineqassapput.