Islandimi coronamut akiuussussersimanermut uppernarsaat atuutilersoq

Islandimi coronavirusimut akiuussusersimanermut uppernarsaat nunarsuarmi nuniani siullernik ilaallutik atulerpaat.

Coronavirusimut akiuussitissamik tamakkiisumik kapitissimanermut uppernarsaammik peqaruit, nunanullu allanut angalareerlutik angerlaruit, angerlarsimaannarallarnissat piumasaqaataanavianngilaq.

P1 morgen taama oqaluttuarpoq.

Islandimi innuttaasut 4.500-it missaanniittut marloriarlutik kapitereerput. Taakkulu Islandermiut e-bokseannut iserlutik akiuussusersimanermut allagartamik aallersinnaapput.

Coronavirusimut akiuussusersimanermut uppernarsaat nunarsuarmi sumiiffinni ikitsuinnarni maanna atorneqarsinnaavoq, danskit Islandimi ambassadøriat, Eva Egesgorg Hansen P1 morgeniut oqarpoq.

AAMMA ATUARUK Islandimut aqqut apriilip naanissaata tungaanut matoqqasoq

- Nunarsuarmi angallanneq ammaanneqaqqippat, inuillu angallateqqilerpata atorneqartussaavoq.

Maannalu Islandimi coronamut akiuussusersimanermut uppernarsaat nunarsuarmi siullerni ilallutik atulerpaat, nunani allani suli akuerineqanngilaq, taamaammat Islandip iluani taamaallaat atorneqarsinnaavoq, soorlu angalereernermi tikinnermi angerlarsimaannarnissaq piumasaqaataasariaaruppoq.

Eva Egesborg Hansen P1 Morgenimut oqarpoq.

Islandimi coronavirusimik tunillatsissimasut qaammatini kingullerni ikipput, tamannalu ilutigalugu nunatsinnitut ammaassiartornissaq qanilliartorluni.