Islandimi nittaalartalimmik anorersuarmat hiistit 80-it toqusut

Islandimi sapaatit akunnerata siuliani ulussaarsuartut sakkortutigisumik nittaalartalimmik anorersuarujussuarnerata kingunerisaanik islandimiut hiistii 80-it matoorussaallutik toqusimapput.

Islandillu kitaata avannaatungaani hiistii 100-t sinneqartut suli maqaasineqarlutik.

Islandimi tusagassiorfik Iceland Review allaaserisaqarpoq.

Illut hiistillu ilaat matoorussaasimapput. Islandimilu taamatut silarlorujussuartarnera nalinginnaanngikkaluarpoq. Decembarip qiteqqunnerani nittaalartalimmik anorersuarpoq, taamali nalaataqartoqarsimanngitsoq, uumasut nakorsaat oqarpoq. 

- Nittaalartalimmik anorersuarujussuareersorlu ullut marluk pingasullu akornanni hiistit ikiorneqarsinnaasimanngillat,  uumasut nakorsaat, radiomut RUV-mut oqarpoq. Islandimiummi hiistii ukiumi issittumi silamiittarnertik sungiusimavaat, uumasut nakorsaat,
Sigridur Björnsdottir RUV-mut oqarpoq.

Immikkoortumi, Hunavatnimi ajornerusumik pisoqarpoq, hiistimmi 80-ingajaat toqusimapput, hiistillu anorersuarmit aniguisimasut qasullutik nukillaarsimapput.  

Björnsdottirillu erseqqissaatigaa silarlorujussuarnerata kingunerisaanik hiistit eqqugaasimasut.

- Nunaatillit misigisaat sakkortuvoq, erseqqissaatigissavarali hiistit toqorarnerannut nunaatillit pisuunngimmata, hiistit aamma paarinerlunneqanngillat, uumasut nakorsaat oqarpoq.

Hunavatnimi nunaatillip, Magnus Asgerir Eliassonip hiistiutini sisamat annaavai, silarluleruttormallu uumasuutini annaanniarlugit ullut sisamat akunnerit tallimat taamaallaat  sinissimanerarpoq.

dr.dk taama allaaserisaqarpoq.