Islandimi aningaaseriviit tamarmik naalagaaffimmit pigineqalerput
Islandimi aningaaserivissuit kingullersaata matuni maanna parnaarpaa naalagaaffimmillu pigineqalerluni. Taanna tassaavoq Straumur-Burdaras Investment Bank, Danmarkimi pisiniarfissuarnik Magasinimik Illumimillu ilaatigut piginnittuusoq.
Allattoq Lotte Holm
marsip 09-at 2009 07:28
Aningaaserivissuaq naalagaaffimmit tassa maanna pigineqalerpoq.
Aningaasaliissutinut aningaaserivissuaq, Baugur , akiliisinnaajunnaarmat Magasinimi Illumimilu piginneqatiginnissutit tamaasa Straumurip februaarimiit nakkutigilerpai.
Taamanikkut oqartoqaraluarpoq, pisiniarfissuit Magasin aamma Illum Straumurip nutaanik piginnittussarsissagai, Islandilli naalagaaffiata tassa maanna pigilerpai.
Magasinip Illumillu saniasigut pisiniarfiit pinnguaarniarfiit, taavalu pinnersaatinik atisanillu nutaalianik Islandimi nioqquteqartartut Straumurip aamma pigigaluarpai.
Aningaaserivik Straumur tassaavoq Islandimi aningaaserivissuit kingullersaat, aningaaseriviit Kaupting, Landsbanki aamma Glitnir siorna ajalusoorreersullu.
