Islandip aningaasarsiornera aappaagu ajorseriassangatinneqaraluartoq, ungasinnerusoq neriulluarfigineqarpoq.
Københavnimi Islandimiut aallartitaqarfianni Islandimi aningaaseriviup Glitnirip naliliisartuata siunissamut ullumi isumalluarnerarpoq.
Nunani EU-mut ilaasortani naatsorsuutigineqarpoq naalagaaffiit aningaasarsiorneri procentinik pingasunik qaffariaateqassasut, Islandimi aningaasarsiorneq 4-5 procentinik aappaagu qaffariassasoq naatsorsorneqarpoq.
Islandip maannakkorpiaq aningaasarsiorluarnera piginneqataassutsit nalingisa appariarnerannik, Islandillu aningaasaata nalikillineranik, kinguneqartoq, ernumalersitsigaluartoq, Islandimi siunissami aningaasarsiornissaq isumalluarnartoqartoq, Islandimi aningaasarsiornermik ilisimasallit naliliipput.