Islandimi aningaasarsiorneq ingerlanerliortoq ernumasitsivoq

Allattoq Jokum Nielsen
juulip 19-at 2006 16:52

Island-ip aningaasaqarniarnera ingerlanerluppoq. Aningaasaqarnermut ilisimasallit oqarput ineriartortitsineq sukkavallaartoq aammalu erniat qaffasippallaarnerisa saniatigut aningaasat nalikilliartornerat sukkavallaartoq. Qaammatini kingullerni aqqaneq-marlunni pisiassat eqqarsaatigalugit akit 5,7 procentimik qaffassimapput, taamatullu qaffattoqarsimanera europami qaffasinnerpaat aapparaat. Aningaasaqarneq pillugu misissuisarnerit nunat EU-meersut ingerlattarpaat, aammalu Norge Island-ilu misissuinermi ilaatinneqartarlutik. Litauen tassaavoq europami aningaasat nalikilliartorfiginerpaasaat, tulliuttuuvorlu Island. Aningaasaqarnerup ajutuuinnissaa, Island-imit ernumassutigineqarpoq, taamaattoqassappallu suliffeqarfippassuit matooralernerinik kinguneqartumik suliffissaaleqisorpassuarnik pilersitsisinnaavoq.