Islandi aningaanik atukkerneqarpoq
Island aningaasaqarnermigut ajornartorsiortorujussuuvoq, taamaammallu nunani arlalinni atorniartariaqarsimalluni. Sapaatip-akunneratalu naanerani 150 millioner euro-nik, tassa 1,1 milliard koruunit nalinginik Polenimit atornissamik isumaqatigiissuteqarluni.
Islandip aningaasaqarnermut ministeriata, Steingrimur J. Sigfussonip Polenimilu aningaasaqarnermut ministerip Jan Vincent-Rostowskip ataatsimiinnerat, Nunat siuarsagassat taarsigassarsiniartarfiata IMF-ip, Den Internationale Valutafondip nunat tamalaat aningaasaqarnermut ministeriinik Istanbulimi ataatsimiititsinerani pivoq.
IMF Islandi 2,1 milliard dollarinik, koruunit 10 milliardit nalinginik taarsigassarsisereerpaa, taakkulu ilai en milliardit tigoreerlugit.
Islandip aningaasaqarnera siorna ajutoorluinnarmat, innuttaasut sutigut tamatigut sipaartariaqalerput. Nalunanngilarlu suli ukiorpassuarni sipaartariaqarumaartut.
Islandip atukkani ukiut qulit tulliit taarsersugassarai.