Island ukioq ataaseq qaangiuppat EU-mut ilaasortanngoreersinnaavoq

Immaqa ukioq ataaseq qaangiutiinnartoq EU-p erfalasua tungujortoq sungaartunillu ulloriaasartalik Islandimi erfalalissaaq, tassami EU-p annertusaanermut kommissæria Stefan Füle naliliimmat ilaasortanngorniarnermi suliap ingerlannera nunanit qinnuteqartunit allanit qaqqat innermik anitsisartut qeqertaannut pilertornerujussuarmik pisinnaasoq.

Taama pilertortigisumik ingerlatsinissaq pissuteqarpoq Island Europami nunanut aningaasaqarnikkut suleqatigiittunut ilaammat EU-milu ilaasortanngorniarnermi piumasaqaatit pingajorarterutaasa aappaannik naammassinnissimalluni. Assersuutigalugu siornatigut nunat Europami nunanut aningaasaqarnikkut suleqatigiittunut ilaasimasut Finlandip Østrigillu isumaqatigiinniarnerit naammassinnissaannut ukioq ataaseq qaangilaaginnarlugu atormassuk, 1990-ikkut aallartinneranni EU-mut ilaasortanngornissartik aallartissallugu akuerineqarnissamik tungaannut.

Islandili taamaattoq ilaatigut aningaasaqarnikkut sullissinerni aningaasat kiffaanngissuseqartumik atornissaanni kinguarsimavoq. Annertusaanermulli kommissærip Stefan Füle-p erseqqissarpaa tamanna ajornartorsiutinik imatorsuaq pilersitsinavianngitsoq.

Islandip nunanut allanut ministeriata Össur Skarphedinssonip EU-mit nalunaarutigineqartut isumalluarnartut qiimmattaatigai. Taamaattorli Tuluit Nunaata Hollandillu nuannanneq aserorsinaavaat.

Tassami Islandip Icesave-mik isumaqatigiissut aqqutigalugu aningaasaliissutissatigut qularnaveeqqutini iluarsiivigineqanngitsuni nunat taakkua marluk 30 milliarder koruuninik akiligassaqarfigai. Islandip aningaasat utertillugit akilerumavai, sulili aalajangerani qanoq iliorluni akilissanerlugit. Icesave-lu pillugu aaqqiagiinnginneq iluarsineqartinnagu imaalluarsinnaavoq Tuluit Nunaat Hollandilu Islandip EU-mut ingerlariaqqinnissaanut akornutaasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat