Island Ruslandimit 30 mia. koruuninik atorpoq

Islandimi naalagaaffiup aningaaseriviutaa ullumi nalunaarpoq, Ruslandimit 30 milliardi koruuninik atornikkut aningaaseriviup nunanit allanit aningaasaannik sillimmatai nalittortut, aningaasaqarnikkut ajornartorsiornerup Island aningaasatigut ajutuuitsittussanngoraluarpaa.
Allattoq Louise M. Kleemann
oktobarip 07-at 2008 10:48

Nalunaarulli ersarinngilaq, tassami aningaasanik atorniarnermut Moskva suli akuersinngilaq. Atorniarneq suli oqallisigineqanngilaq, Ruslandimi aningaasaqarnermut ministerip tullersortaa, Dmitrij Pankin, nutaarsiassaqartitsivimmut RIA Novostimut oqarpoq.

Islandimi naalagaaffiup aningaaseriviutaa tamanna sioqqutitsiarlugu nalunaarpoq, naalagaafferannguaq aningaasarliornerani ikiorusullugu 30 milliardi koruuninik atukkiinissamut Rusland akuersisimasoq.

- Isumaqatigiissut pillugu Islandimi ministeriunerup Rusland qaammatit marlussuit matuma siorna attaveqarfigaa. Isumaqatigiissut Islandimi naalagaaffiup aningaaseriviutaani sinniisut naalakkersuisullu Moskvami akuersissutigissagaat taamanikkut oqartoqarpoq. Islandimi naalagaaffiup aningaaseriviutaata nalunaarutaa naapertorlugu, aningaasanik atornissamut isumaqatigiissut Ruslandip ministeriunerata, Vladimir Putinip, isumaqatigiissut uppernarsarpaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq