Island Nuummi konsuuleqarfeqalissaaq
Naalakkersuisut siulittaasuat, Aleqa Hammond, ulluni makkunani Islandimiippoq. Islandimi præsidenti, Ólafur Ragnar Grimsson, ministeriuninngoqqammersorlu, Sigmundur Davíð Gunnlaugsson, Islandimiinnermini ataatsimeeqatigai.
Islandip Kalaallit Nunaatalu suleqatiinnerisa ukiuni aggersuni annertusarneqarnissaa Aleqa Hammondip kissaatigaa.
Peqqinnissaqarnikkut, angallassinikkut, nunap ataqatigiinneranut attaveqarfiinut aatsitassarsiornikkullu suleqatigiissutigineqarsinnaasutigut periarfissaqartuni suleqatigiinnerunissaq, Aleqa Hammondip Sigmundur Davíð Gunnlaugssonillu isumaqatigiissutigaat.
Kalaallit Nunaata Issittumi Siunnersuisoqatigiinni inissisimanera oqaluuserineqarpoq, taamatuttaaq Kalaallit Nunatta EU-mut tunngatillugu inissisimanera aamma eqqartorneqarluni.
Periarfissaq iluatsillugu Islandip præsidentia ministeriuneralu Aleqa Hammondip Kalaallit Nunatsinnut ukiaru tikeraarsarpai, Islandip Nuummi aallartitaqarfissaata ammarneqarnerani tamanna nalorneqarsinnaassalluni.