Island Nunanit Avannarlernit tamakkiisumik tapersersorneqarpoq

Nunarsuarmi aningaasarsiornikkut ajornartorsiorneq Islandimut sunniuteqarnerlussimaqaaq, Islandillu ikiorneqarnissaa Nunat Avannarliit Siunnersuisoqatigiivisa Helsinkimi ullumi ataatsimeereernerminni nalunaarutigaat. Ritzau taama allaaserisaqarpoq.
Allattoq Louise M. Kleemann
oktobarip 27-at 2008 09:22

Sverigemi ministeriunerusimasoq Carl Bildt oqarpoq Island Nunanit Avannarlernit tamakkiisumik tapersersorneqassasoq. Taama oqaraluarluni Island aningaasatigut Sverigemit ikiorserneqanngilaq:

- Naak Island Naalagaaffiit Peqatigiit Isumannaallisaaniaqatigiivinut qinigaanngikkaluartoq, Islandip isumannaallisaaniaqatigiinnut qineqqusaarnera nunat avannarliit iluaqutigissaqaat, Carl Bildt tusagassiortunik katersortitsinermi oqarpoq.

Island EU-mut ilaasortanngussanersoq nalunarallarpoq, innuttaasulli 70 procentiisa missaat Islandip EU-mut ilaasortanngornissaa tapersersorpaat, siornatigut taamaassimanngeriarlutik.

- Nunarsuarmi aningaasarsiornikkut ajornartorsiutit kingunerisaanik Islandip koruunia nalikilleriarpoq aningaaseriviillu aningaasatigut artukkersorneqarlutik. Taamaammat Islandip EU-mut ilaasortanngorsinnaanissaa oqallisigineqangaatsiassasoq ilimanarpoq, Islandip nunanut allanut ministerigallagaa Björgvin Sigurdsson oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq