Island nunanit avannarlernit aningaasanik atorpoq
Island 13,2 milliardit koruuninik, attartortinniarlugu Danmark, Finland, Norge aamma Sverige Stockholmimi ullumi atsioqatigiipput.
Allattoq Elisa Isaksen
juulip 02-at 2009 07:37
Islandip aningaasaqarnermi patajaallisarnissaanut pilersaarummik, nunat tamat aningaasaateqarfiannik IMF-imik, siorna novembarip 19-ianni isumaqatigiissuteqarpoq.
Attartortitsineq nunat avannarliit ministeriunerisa siorna oktobariugaa ataatsimoorullugu isumaqatigiissutaannik tunngaveqarpoq taamanilu Island ikiorneqassasoq aalajangiunneqarpoq, nunat taakku sisamaasut ministeriuneri tusagassiuutinut taama nalunaarput.
Nunat avannarliit attartortitsinerat ukiuni aqqaneq-marlunni ingerlassaaq taakkunanilu ukiut tallimat Islandimiut taarsersuissanngillat. Nunat tamat aningaasaateqarfiata aningaasap nalinganik aalajangiussaa Islandimiut malissagaat attartortitsiniarnermi tunngavigineqartut ilagaat.
