Island milliardilikkaanik taarsiisussanngorpoq

Aningaasat milliardikkaat Tuluit Nunaannit Hollandimillu atukkat utertineqarnissaannut Islandimiut naalakkersuisui isumaqatigiissuteqarput, nunat taakku siorna aningaasarsiornikkut ajalusoornerup kinguneranik atukkiussaminnik annaasaqartutut oqaatigineqaraluarput.

Atukkat utertinneqarnissaannut isumaqatigiissuteqarnikkut Island nunat tamat aningaasanik atorniartarfiinit ikiorneqarsinnaanissaminut periarfissaqalissaaq.

Akiitsut utertinneqarsinnaanissaannut inatsimmik Islandimi inatsisartut aggustimi aalajangiipput. Islandip aningaasanik atorniartarfimmut, Den Internationale Valutafondimut, atorniarsinnaanissaanut Tuluit Nunaat Hollandilu isumaqataanatik pinaaseraluarput.

Isumaqatigiissuteqarneq Islandimi ministeriunermit Johanna Sigurdardottirimit ajunngitsunik arlalinnik kinguneqartussatut oqaatigineqarpoq, ilaatigut Island nutaanik atorniarsinnaanissamut periarfissaqalissammat, Islandimilu koruunip nalinga qaffanneqarsinnaalissalluni immaqalu erniat appartinneqarsinnaassallutik, nutaarsiassaqartitsivimmi ritzauimi taama allaserinnittoqarpoq.