Island Kinamit tunissuteqarfigineqartoq
Vestmanneyjarip qeqertaasa ilaanni kangerliumaneq qassutinik assersorneqarpoq, qilalukkallu qaqortat marluk tassani uumasuutigineqalissallutik. Vestmanneyjarimilu borgmesterip tamanna nuannaarutigeqaa:
- Nuannaaqaagut. Qangali oqaluuserivarput, maannakkullu kiisami piviusunngulerluni, borgmesteri oqarpoq.
Imartaq qilalukkanut qaqortanut nunarsuarmi siullerpaamik maanna eqqissisimatitanngortinneqarpoq, imartarlu Islandip avataaniittoq tassunga tulluarluinnartoq, suliniaqatigiiffik Sea Trust Life, suliniummut aqutsisuusoq, oqarpoq.
- Issittumi arfiupput, piaraanerminnilu uumaffigisimasartik maanna uterfigaat, Sea Trust Life oqarpoq.
Qilalukkat qaqortat marluk, Lille Grå Lille Hvidilu, Kinami Shanghaimi akvariami uumatitsivissuarmi maannamut uumatinneqarsimapput. Taakku containerinut immikkut sanaartukkanut ikillugit Kinamit Reykjavikiliaanneqarput.
Uumasullu immikkuullarissut marluk Vestmanneyjariliaanneqarnissaat tamaani innuttaasut qilanaaraat:
- Nuannerluinnassaaq, tamaani najugaqartut ilaat oqarpoq.