Island inuit pisiinnaatitaaffii pillugit siunnersuisooqatigiinni ilaalersoq
USA siunnersuisoqatigiinnit ilaasortaajunnaassasoq, USA-p præsidentiata Donald Trumpip qaammat kingulleq aalajangerpaa.
USA-p siunnersuisoqatigiiffimmi inigisimasaa, Islandimit Frankrigemilluunniit tiguneqassassoq siunnersuutigineqarpoq, Nalagaaffiit Peqatigiinnilu naalagaaffiit ilaasortat 172-it Island ilaasortanngussasoq taasipput.
Frankrig ilaasortamit ataatsimik taaneqarpoq, ataatsimeersuarnermilu tamanna nuannarineqarluni illaatigineqarpoq.
Amerikamiut Naalgaaffiit Peqatigiinni aallartitaata Nikke Haleyip, USA-p siunnersuisoqatigiinnit ilaasortaajunnaarnera pillugu oqarsimavoq, USA suliniaqatigiiffimmik taama imminuinnarneq eqqarsaatigisumik peqataanianngitsoq, inuit pisinnaatitaaffiinnit illaruaatiginnittumik.
Naalagaaffiit Peqatigiinni Inuit Pisinnaatitaaffii Pillugit siunnersuisoqatigiit ukiuni aqqaneq marlunni atuunneranni nunamik ilaasortamik aatsaavik ilaasortaajunnaartoqarpoq.
USA-p siunnersuisoqatigiinni ilaasortaajunnaarneratigut nunarsuarmi inuit pisinnaatitaaffiinik suliniuteqarneq ajornarnerulissasoq isornartorsiusisut isumaqarput.
Naalagaaffiit Peqatigiinni Inuit Pisinnaatitaaffiit pillugit siunnersuisoqatigiit 47-nik ilaasortaqarpoq.
Island ingerlaannaq ilaasortanngorpoq, 2019-milu decemberip 31-ata tungaanut ilaasortassalluni.