Island-imi piareersarput
Skotland-imi timmissat nappaataat H5N1-i, timmissat akornanni nanineqareersorlu, Island-imi pisortat isumannaallisaanertik sukatilerpaat.
Islandimi uumasut nakorsaanerat nunaatilinnut piumasaqarpoq, uumasuutit timmissanit nujuartanit napparsimasunit tunillanneqannginniassammata, isersimatiinnaqqullugit.
Anginerusunik nunaatillit uumasuutitik isersimatiinnalereersimagaat, uumasut nakorsaat aviisimut Morgunbladid-imut oqarpoq, uumasunillu isersimatitsiinnaqqusineq pissuteqarpoq, mikinerusunik nunaatillit suli uumasuutaat isersimatiinnalerneqarsimanngimmata.
Tunillaasoqalinnginnissaanut ilitsersuummi ilaatigut uumasut inaanni silaannarissartarfiit, timmissanit nujunartanit iserfigineqarsinnaajunnaarsinneqarnissaat igalaallu matoqqatinneqartarnissaat ilitsersuutigineqarpoq.
Aamma nunaatillit, nunaatiminni timmissat nujuartat akornanni ikinnerpaamik marlunnik toqungasunik nassaarsimagunik, piaarnerpaamik pisortanut saaffiginninnissaq piumasarineqarpoq.
