Island-imi 600-t soraarsitaassapput
marsip 29-at 2006 06:33
Amerikamiut sakkutuuisa Island-imiit aninerat Islandimut malunniutilerpoq.
Islandimiut 600-t soraarsitsissumik allagarsitinneqarsimapput, taama aviisi Morgunbladid allappoq.
Islandimiut sakkutooqarfimmi Keflavikimiittumi suliffeqartiterput, USA-llu sakkutooqarfia septembarip qaammataani matuneqassaaq.
Soraarsitsinerpassuit pissutaallutik, Island-imi saaffiginnittarfik immikkut ittoq pilersinneqarsimavoq.
Amerikamiut sakkiutooqarfimminnik matusiniarnerat suliffinnut allanut eqquissangatinneqarpoq. Suliffiit sakkutooqarfimmut sullissisartut sulisui 200-t 300-ullu akornanni amerlassusillit suliffeerunnissaat aamma ilimagineqarpoq.
