Island IMF-imit tapiissutisivoq
Nunat tamat aningaasaateqarfissuata IMF-ip Islandimi aningaasatigut ajornartoorneq 2 milliardi dollarsinik – tassa 12 milliard koruuningajannik tapiissuteqarfigaa, tamanna Islandimit naalakkersuisut DR-mut uppernarsarpaat.
Allattoq Najaaraq Egede
Tapiissutigineqartut neriuutigisamit ikinnerupput, Islandimiummi neriuutigisimagaluarpaat 6 milliardi dollarsinik tapiiffigineqarnissartik.
Isumaqatigiissut Islandimut pituttuivoq, aningaasaqarniarnertimmi sukannersumik aqussagaat piumasarineqarpoq. Sapaatip-akunnerata tulliani IMF-ip siulersuisuisa isumaqatigiissut tusarniaavigissavaat.
Aningaasaliineq Islandimut ikiorsiineruvoq, soorluttaaq Nunat Avannarliit tapiisimasut.