Island: Hollandip Tuluillu Nunaata aningaasat annaasatik utertissavaat

Hollandimiut Tuluillu aningaasanik annaasimasaannik utertitsinissamut, islandimiut naalakkersuisuisa Altingillu isumaqatigiissusiornertik naammassingajaleraat, Islandip aningaasaqarnermut ministeriata, Gylfi Magnussonip oqaatigaa.

Isumaqatigiinniarneq sapaatip akunnerini arlalinni ingerlanneqarpoq, islandimiulli inatsisartuini illuatungiliuttut talerperliusut manna tikillugu isumaqatigiissutissamut itigartitsiuarsimapput, aningaasanik utertitsinermi piumasaqaatit sukangavallaarsorigamikkikik.

Massakkulli isumaqatigiissusiorneq iluatsikkiartorpoq, taamaattumillu taamani islandimiut aningaaserivii akiliisinnaajunnaarmata 25 milliardit koruunit periarfeerunneqarsimasut ilaat - aamma milliardilikkaat - tulunnut hollandimiunullu utertinneqarsinnaanngussallutik.

Islandimiut isumaqatigiissinnaasimanngitsuuppata Nunat tamat aningaasaateqarfiannit, tassa IMF-imit ikiorsiissutissanik milliardilikkaanik tunineqarnissaraluat pinngitsoorsimassagaluarpoq.