Island Gamesip naggataarnerani pingasunik medaljannattoqartoq

Island Gamesimi unammisaqattaanerit tallimanngormat naggataararput, nerrivimmilu arsaararnermi peqataasut unammivissorput kultinnattoqarlunilu, taamaalilluni sulorarnermi kultinnattoqareersorlu Nunarput marlunnik kuultinnappoq.

Nerrivimmi arsaararnerami angutit unammineranni Ivik Nielsen Guernseymeersumut, Garry Doddimut finalimut unammigami kuultinnappoq.

Nerrivimmilu arsaararnermi sungiusaasoq, Otto Zeeb ajugaasumut nersualaarinnippoq. 

- Sakkortoorujussuarmik unammivoq. Sukkasoorujussuit pitsassuit unammisaraluarpai, kisianni eqqarsarluartarnermigut assorujussuaq unammillaqqippoq, sukkallunilu. Tupinnaannartumik saassutaritittaraluarluni suli sukkaninngorlugit ilaatigut saassuteqqittaramigit. Assorsuaq tulluusimaarnarpoq isiginnaarlugu, sungiusaasoq, Otto Zeeb taama oqarpoq.

AAMMA ATUARUK Nunarput Island Gamesimi siullermeertumik ujaminnattoq

Nerrivimmilu arsaararnermi arnani ilimaginngisamik sølvinnattoqarpoq.
Karliinannguaq Lundblad finalimut annguppoq sølvinnallunilu tamannalu nuannaarutigineqarpoq.

- Tulluusimaarnartorujorujussuuvoq, unammisartoq ilimagineqarpallaanngiivilluni Island Gamesimi normu 2-joriasaartoq. Assorsuaq tulluusimaarnarpoq, Otto Zeeb oqarpoq. 

Nerrivimmi arsaararnermi iligiikkuutaarluni unammisoqarmat Aqqalu Nielsen aamma Ivik Nielsen sølvinnapput. Unammisullu kuultinnannissaat sungiusaasumit neriuutigineqaraluarluni unammisut sølvinnammata nuannaarutigineqarpoq.

- Aamma kingullermi Island Gamesimi 1-iunikuugamik. Taamaattumik aamma neriuutigisimavagut. Kisianni angusaat ajunngeqaat. Iluareqaagut, nuannaaqaagut, Otto Zeeb oqarpoq.

 

AAMMA ATUARUK Nunarput Island Gamesimi kuultinnattoq

Nunatsinnit unammisartut katillugit arfineq pingasunik medaljannapput. kuultit marluk, sølvit marluk kiisalu bronzit sisamat.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat