Island Games 2019-imut peqataasussat piumasaqarfigineruneqassasut
Kalaallit Nunaat Gotlandimi 2017-imi Island Gameseqartoqarnerani arfineq marlunnik ujmaninnappoq, erseymimilu 2015-imi Island Gameseqarmat ataasiinnarmik ujaminnalluni.
Ikittuinnarnik ujaminnattoqartarnera Timersoqatigiit Kattuffiata 2017-imi seminareqarnerani oqaluuserineqarmat kattuffiit timersortartullu Island Gamesinut peqataasartut aningaasat sumut atorneqartarneri ilisimanerulertariaqaraat inerniliunneqarpoq.
AAMMA ATUARUK GIF kræver flere medaljer ved næste års Island Games
Timersortartut Island Gamesimut peqataasut aningaasartuutaat nalinginnaasumik kattuffigisaata affaat akilertarpai affaasalu Kalaallit Nunaanni Timersoqatigiit Kattuffiata akilertarlugit. Maannamiit peqataasut aningaasartuutaat kattuffiit tamakkiisumik akilertalissavaat, Timersoqatigiit Kattuffiat tusagassiuutinut taama nalunaaruteqarpoq.
- Pilersaarusiorneq akisussaassuseqarnerlu siunissami Island Games-imi peqataanissamut pingaarnerpaat ilagivaat, Timersoqatigiit Kattuffianni Siulittaasoq Nuka Kleemann tusagassiuutinut taama nalunaaruteqarpoq.
Gotlandimi 2017-imi kingullermik Island Gamesertoqarmat, timersuutini 14-ini peqataasut qeqertat 23-it iluanni timersortartut 2.333-t peqataapput.
Gibraltarimi 2019-imi Island Gamesertoqassaaq.
AAMMA ATUARUK Kalaallit ataasiinnarmik ujaminnapput
