Island EUmut ilaasortanngornialerpoq
Islandip aningaasarsiornikkut ajornartorsiornini pissutigalugu EUmut ilaasortanngorniarnissaa ilimagineqarpoq.
Allattoq Lotte Holm
januaarip 30-at 2009 09:14
Taama allaaserinnippoq tuluit aviisiat, The Guardian. Islandimi maajimi inatsisartunut qinersisoqareerpat, Islandip EUmut ilaasortanngorniarnissaa EU-Kommissionimit piareersimaffigineqarpoq.
Naak aningaasarsiornikkut ajornartorsiortoqaraluartoq, Island ilaasortanngorniuteqassappat Bruxellesimit ilassilluarneqassagunarpoq. Taamaalilluni Island 2011-mi EUmi ilaasortanngussaguni nunat EUmut ilaasortat 29-ssaattut ilaasortanngussaaq. Islandimiut amerlanersaasa EUmut ilaasortanngornissartik akerleriuarsimavaat, maannali EUmut ilaasortanngorneq aningaasatigut ajornartorsiornerminnut qaangiinissamut aqqutissatut isigilerpaat.