Island Eu-mut ilasortanngornialerpoq
Amerlanerussuteqaqqarnerup Altingimi taasineq pissanganarluinnartunngortippaa. Altingimi ilaasortat 63-iupput, amerlanerussuteqartoqassappallu 32-it akuersinissaat pisariaqarpoq. Ilaasortat 33-it akuersipput, 28-it itigartitsisut, marluk taasinngitsut.
Taasineq kinguartinneqaqattaartoq, naalakkersuisuni akerliusunilu puffassimaarnernik oqallitsitsisarpoq.
Islandimi ministeriuneq Jóhanna Sigurdardóttir EU-mut ilaasortanngornissaq oqallinnermi ilungersuutigaa, isumaqarami EU-mut ilaasortanngornermi Islandip aningaasarliornera qaangerneqarsinnaasoq.
Islandip EU-mut ilaasortanngornissamik qinnuteqaataa, EU-mi ilaasortat Nunanut Allanut Ministeriisa ataatsimiinnissaani juulip 27-iani pisussami tunniunneqassaaq.
Island EU-lu ilaasortaanermut piumasaqaatit tungaasigut isumaqatigiissinnaappata, Islandimiut ilaasortangornissaq isummerfigalugu taasitinneqassapput.