Island EU-mut ilaasortanngornissaq sulissutigilerpaa

Island-ip statsministeria Johanna Sigurdardottir statsministeritut ingerlaannarnissaa ilimagineqalerpoq.
Allattoq Jaaku Lyberth
apriilip 26-at 2009 16:54

Island EU-mut ilaasortanngornissaa siunertaralugu maajip juunilluunniit qaammataani isumaqatiginniarnissaq Johanne Sigurdardottirip sulissutiginiaraa oqaatigineqarpoq. Naatsorsuutigineqarpoq ukiut sisamat ingerlaneranni Island-ip EU-mut ilaasortanngornissaa sulissutigineqarumaartoq.

EU-mut ilaasortanngornissamut partiit isumaqataasut katersornissaanut Johanna Sigurdardottir periarfissaqarpoq.

Partiit suleqatigineqarsinnaasut tassaapput Fremskridt partiet aamma Borgerbevægelsen, maannakkut naalakkersuisooqataasut Venste Grønne isumaqatigissuteqarfigineqarsinnaanngippat taakkua suleqatigineqarsinnaalutik