Danskit illersornissamut ministeriat, Morten Bødskov, islandimiullu nunanut allanut tunngasunut ministeriat, Thordis Kolbrún Reykfjörd Gylfadóttir, illersornissamut isumaqatigiissutigeqqammisartik assammissutigaat.Assi: Forsvarsministeriet

Island Danmarkilu alapernaarsuinermi paasisanik avitseqatigiittalernissamut isumaqatigiissuteqartut

Islandip Danmarkillu alapernaarsuinermi paasisanik avitseqatigiittalerniarnerat Illersornissaqarfimmik isertortumillu paasiniaanermik pitsanngorsaataassaaq.

Island Danmarkilu suliat pillugit paasisanik paasissutissanillu Issittumi Illersornissaqarfimmut pingaarutilinnik avitseqatigiittalerniarput.

Illersornissamut Københavnimi ministereqarfik taama ilisimatitsivoq.

Isumaqatigiissutaat isertortumik paasiniaanermi atugassanik Issittumi alapernaarsuinermik pitsanngorsaaqataassaaq.

Illersornissamut ministeri, Morten Bødskov, isumaqatigiissutertik pillugu oqarpoq:

AAMMA ATUARUK Illersornissamut nunanullu allanut tunngasut Naalagaaffeqatigiit Savalimmiuni ataatsimiinnerminni oqaluuseriniaraat

- Islandilu isumaqatigiissuterput nunat avannarliit aamma Atlantikup Avannaani nunat akisussaassuseqarnerannik ersersitsivoq. Europami sorsuttoqarnera peqqutaalluni Europami sillimaniarneq aarlerinartorsiulermat immikkut ittumik inissisimavugut. Issittumi alapernaarsuineq Illersornissaqarfiup pingaarnertut suliaanut ilaavoq, isumaqatigiissuterpullu Danmarkip isertortumik sulineranik pitsanngorsaataassaaq.

Danmark Islandilu USA-p Islandimi sakkutooqarfigisimasaata, tassa Keflavik Air Basep, annanniutinik peqqumaasiviunissaanik 2020-mi isumaqatigiissuteqarput.

AAMMA ATUARUK Illersornissamut nunanullu allanut tunngasut Naalagaaffeqatigiit Savalimmiuni ataatsimiinnerminni oqaluuseriniaraat

Tamatuma saniatigut Danmark islandimiullu sinerissami alapernaarsuisuilu ujaasinermi, annaassiniarnermi, uuliakoortoorsimanermi, immami ajutoornerni aalisarnermillu nakkutilliinermi sivisuumik suleqatigiipput.

Nunatsinnilu alapernaarsuineq kalaallit danskillu politikeriisa oqallisigileruttorpaat. USA nunatsinni radarileeqqilersaartoq, USA-p, nunatta Danmarkillu ilisimatitsissutigaat.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl