Island aningaasarsiornikkut ajornartorsiorpoq
Aningaasatigut ajornartorsiorneq Islandimi aningaaseriviit angisuut pingasut tamakkiisumik anigornavianngikkaat, Carsten Valgreen naliliivoq, ilutigalugulu tikkuarpaa, ajornartorsiutit Islandimi naalagaaffiup aningaaseriviata qaangeruminaatsissagai. Islandimi aningaaseriviit piginneqatigiissutinik tuniniaanerat ippassaq unitsinneqareersorlu, aningaaseriviit tamaasa Islandimi naalakkersuisut naalagaaffimmut atalersippaat.
- Kikkut tamarmik ajornartorsiorput – aningaaseriviilli nunat allat aningaasaannik atornikuunerat islandimiut ajornartorsiutigisorujussuussavaat. Tamannalu pissutigalugu Islandimi naalagaaffiup aningaaserivianit ikiorneqarnissaq ajornakusuussaqaaq. Nunat allat aningaasaannit taamaallaat sillimmateqarpoq. Nammineq aningaasanik naqiterisinnaavugut, allalli aningaasaannik naamik, Carsten Valgreen nutaarsiassaqartitsivimmut Ritzauimut oqarpoq.
