Islamisiortut pissanngatigineqarput

Muuamaamik upperisallit nunani arabiamioqarfiusuni ullumikkut tallimanngornermi qineqatigiinnerat Danmarkimi pissanngatigineqarpoq.

Jordanip illoqarfiisa pingaarnersaanit, Ammanimit, DR-ip tusagassiortua Steffen Kretz ima oqaluttuarpoq:

- Maani Ammanimi Muuamaamik upperisallit naalaffissuata silataaniippunga. Muuamaamik upperisallit palasiat aatsaaginnaq oqalugiartoq tusarnaaqqammerpara. Taassuma oqaluussinermini Dansk Folkepartiip inuusuttaasa Muuamaat ilaarlugu titartagai videonngorlutik saqqummersinneqarsimasut eqqaariarlugit danskit ministeriunerata utoqqatsilluni titartakkat ajorisimagai erseqqissarpaa. Oqaluussiffigisani akerliussutsimik takutitserusussappata eqqissisimasumik takutitsinissaat aamma kajumissaarutigaa. Muuamaamik upperisallit eqqissiviilliortitsissagaluarpata Dansk Folkepartiip inuusuttaasa ajortitsiniarnerat ajugaaqinammat taamatut kajumissaaraluni erseqqissaavoq, Steffen Kretz oqarpoq.

Taanna aperineqarpoq taamatut kajumissaarineq inunnit malinneqassanersoq malugisinnaaneraa, ima akivoq:

- Maani eqqissisisimasorujussuupput. Danmarkimullu akerliullutik takutitsinissaat ilimaginngilara. Iluatsillugu aamma eqqaalaarusuppara Muuamaamik upperisallit palasii ingasattajaarniat maani Ammanimi pisortanit oqaluuseqqusaajunnaarnikuupput. Oqaluussinerillu nakkutigineqaqqinnaalernikuullutik. Massakkut maani inuit eqqissisimanerat erseqqissaqqikkusuppara, Steffen Kretz naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat