Islamabadimi suli najummassimanartorsiortoqarpoq
Pakistanip illoqarfiisa pingaarnersaanni Islamabadimi Moské Aappaluttoq ulluni najummassimanartorsiorfiuvoq, tassami muslimit ingasaassiniartartut ilinniarnertuungorniat moskémik taassuminnga tiguaagamik sallunaveeqqutinillu tigumminnillutik.
Pakistanimi oqartussat naapertorlugit arnat meeqqallu moskémi sallunaveeqqutitut tigummineqarput, angajoqqaallu annilaangaqisut moské-p eqqaanut ullumi pipput.
Moské-p eqqaani eqqaassisoqallattaasoq tusarliunneqarpoq. Moské pillugu qaammatialunni aaqqiagiinngissuteqartoqareersorlu eqqissiviilliornerit marlunngormat aallartipput.
Moské-mi siuttuusoq Maulana Abdul Aziz moskéminngaanniit qimaanialersorlu pingasunngormat unnukkut tigusaavoq.
Nutaarsiassaqartitsivik AP taama allappoq.
Arnat 700-t missaanniittut angutillu 250-it missaanniittut moské-p iluani islamisiortunit tigummineqartut Maulana Abdul Aziz-ip oqaatigaa.
Islamisiortut tigumminnittut taakku 20-t 30-llu akornanni ukioqarneragaapput, ilarpassuilu arnaallutik.
Talibanit inooriaasiat eqqunniarlugu sakkortuumik suliniuteqarput, qaammatinilu kingullerni arfinilinni tamanna anguniarsarisimallugu.