Islamabadimi qaartartumeerisoqarpoq

Pakistanip illoqarfiisa pingaarnersaanni Islamabadimi qaartartumeerisoqarmat, politiit ikinnerpaamik 15-it toqutaapput.
Allattoq Mads Lynge
juulip 06-at 2008 13:14

Qaartartoq Den Røde Moskémik taaneqartartup eqqaani qaartinneqarpoq.

Moské taanna ukioq ataatsip matuma siornatigut Pakistanip sakkutuuinit saassunneqarpoq, inuillu 3000-it akerliussutsiminnik takutitsineranni qaartartumeerisoqarluni.

Islamisiortut 100-t moskémi pineqartumi siorna imminnut mattummata sakkutuunit toqutaapput.

Imminut toqoriaatigaluni qaartartumeerisoqarsimanissaa Pakistanimi oqartussat ilimagaat.