Islandimiu Pakistanimiulu qaqqasiortartoq misilittagartooq K2-mi ujagaasunut ilaasut

Nunarsuarmi qaqqat portunersaata tulliani K2-mi qaqqasiortartut pingasut ullut pingajussaanik Pakistanimiut sakkutuuisa helkopteriannik ujaarineqarput.

Qaqqasiortartut ujaarineqartut pingasut Pakistanimit Islandimit Chilemillu pisuupput.

Taakkua qaqqarsuup K2-p ulorianarnerpaaffiatigoormata kingullermik takuneqarput.

Qaqqarsuaq K2 ukioq manna aappassaanik qaqeriaraluarpaat. Qaqqasiortartut allat pingasut qaqqarsuarmi K2-mi ukioq manna ajunaarput.

Nunarsuarmi qaqqat portunersaata tullia K2 Mount Everestimit pukkinnerugaluarluni majuarlugu ilungersunarneruvoq.

Nalunaaqquttap akunneranut 200 kilometerisut sakkortutigisumik anorlersinnaallunilu 60-t angullugit ississinnaasarpoq.

Qaqqasiortartut 4000-nit ikinnerunngitsut Mount Everest qaqinikuugaat, amerikamiut TV-eqarfiat CNN ilisimatitsivoq.

K2-mut qaqinikut 350-iinnaasut, kisitsisini 2018-meersuni erserpoq.