Isimmillugu asserlugulu ujaminnanniassapput

Taekwon-dortartut taakku Europami ujammit assigiinngitsut pingasut ukioq-manna illersussagaat, tusagassiuutinut allakkami erserpoq.

Christian Isaksenip angutini ataasiakkaarnermi periutsinik takutitsinermini kuultinnassimanini, aamma frikampimi sølvinnassimanini, illersussavai.

Angutinnguaq Tittussenip Lauritz Heilmannillu ataasiakkaarnermi periutsinik takutitsinerminni bronzennattaatik illersussavaat.

Unammisarttoqqap Karl Larsenip ataasiakkaarnermi periutsinik takutitsinermi kuultinnattaani aamma illersortussaagaluarpaa, inuttulli namminertut peqquteqavilluni EM-imi ukioq-manna peqataasinnaanngilaq.

Taekwon-dortartuni nukarlerpaat, Kunuk Hansen aamma Helge Heilmann juniorini unammisarnerminni medaaliannartareerput, inersimasunili ukioq-manna takutitseqataassapput, ilungersortussaassappullu.

Bulgariami EM-erneq ullumi aallartissaaq, maajillu ulluisa 20-ata tungaanut pissalluni.

Kalaallit peqataasussat tassaapput:
Kunuk Hansen
Helge Heilmann
Apalanguaq Mathiessen
Lars Sørensen
Johan Peter Halsøe
Angutinnguaq Tittussen
Lauritz Heilmann
Christian Isaksen