Assi: KNR

Isikkammik arsaattartunut sungiusaasoq soraarsitsisoqarnera akerleralugu tunuartoq

Nunarput sinnerlugu isikkammik arsaattartunut sungiusaasoq alla, René Olsen, Tekle Ghebrelulip soraarsinneqarnissaanik aalajangernermut akerliulluni sungiusaasuunerminit taamaatippoq.

Kalaallit Nunaanni Arsaattartut Kattuffiannut, GBU-mut, mailikkut allappoq.

René Olsen, nunanut allanut unammisartunut ukiuni aqqaneq-marlunni sungiusaasoq, futsalertartunut sungiusaasutut ataqatigiissaarisutullu erniinnaartumik taamaatippoq. Tamannalu GBU-p Tekle Ghebrelulimik soraarsitsineranik peqquteqartoq, allappoq.

AAMMA ATUARUK GBU-mi siulittaasoq soraarsitsisoqareersoq tunuarpoq

- Suliap, Teklep ajuallatsitaarujussuarluni ammip qalipaataa pillugu immikkoortitaaffigisaata, nalorninartumik tunngaveqarluni soraarsitaaneranik kinguneqarsinnaammat nikallungassutigeqaara, René Olsen allappoq.

Taama pisoqarnerata GBU naliliisinnaassuseqarnersoq tatigiunnaarsimallugu, sungiusaasoq allappoq. Aamma ilaatigut pissutigalugu siulittaasoq John Thorsen, Tekle Ghebrelulip soraarsitaaneranut isumaqataannginnami, inissisimaffimminiit tunuarniarluni nalunaarsimammat.

AAMMA ATUARUK Timersornermi ataqqeqatigiinneq GBU-p iliuuseqarfiginiarpaa

- Siulersuisut sulisuminik sumiginnaanera nipagiutiinnarlugu akuersaarsinnaanngilara. Siulersuisut Tekle tapersersorneqarnissamik pisariaqartsitsileruttorfiani sumiginnarpaat. Isikkamik arsaanneq qamanngavik nuannaraara, siulersuisulli iliuuserisamissut iliuuseqartartillugit suleqatigisinnaanngilakka, René Hansen allappoq.

René Olsen nunanut allanut unammisartunut sungiusaasuutilluni ilatigut Arctic Winter Games-imi sisamanik kultinnaqataalluni, ataatsimik sølvinnaqataavoq. Qeqertarmiullu unammiuaarneranni marlunnik sølvinnaqataavoq. Kiisalu sisamariarluni futsalimik nunarput sinnerlugu nunat allat unammisartuinut unammisitsilluni.

AAMMA ATUARUK Ammip qalipaataanik immikkoortitsineq akiorneqarli

AAMMA ATUARUK Aallarnissannut piareeraluarpunga

AAMMA ATUARUK Arsaattartoq ammip qalipaataanik assigiinngisitsisoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat