Isikkamik arsarluni festivaalit iluatsilluarput
-Illoqarfinni taakkunani pingasuni isikkammik arsarluni festivalit tamarmik ullunik pingasunik sivisussuseqarput. Ullut siulliit marluk sungiusaasut aqutsisuusartullu GBU-mit, Danmarks Boldspil Unionimiillu pikkorissartsinneqarput. Ullunilu marlunni pikkorissarnerup kingorna sapaammi sungiusaasut aqutsisullu ilikkakkaminnik nalunaaquttap akunnerini arlaqartuni meeqqanut sammisaqartitsisarput, FIFA-mit ilitsersuisartoq DBU-meersoq Benny Nørgaard taama oqaluttuarpoq.
Festivalertitsinerni atortut atorneqartut Det internationale Fodbold Forbund (FIFA)-mit GBU-miillu aningaasaliiffigineqarsimasut, festivalip kingorna klubbinut tunniunneqartarput. Taamaalillunilu Festivalip kingorna Klubbit atortunik pitsaanerusunik atortoqarlutik sungiusaasunillu pikkorissarluarsimasunik peqalertarput.
Taama isikkammik arsarluni festivalertitsineq iluatsilluarmat tamanna GBU-mit 2013-mi aamma aaqqissuunneqassasoq pilersaarutigineqarpoq.