Isikkamik arsaattartut suli periarfissaqarput
Rhodosip isikkamik arsaattartuisa timersortartorpalaanngitsumik pissussilersornerat peqqutaalluni Island Gamesimi anngunniunnernit anisitaapput, tamannalu Kalaallit Nunaata arsaattartuisa bronzinnanniunnissamut anngunnissannik periarfissiivoq. Arsaattartut Jersey-meersut ajugaaffigisinnaanerat massakkut apeqqutaaginnalerpoq.
Allattoq Louise M. Kleemann
Rhodosip arsaattartuisa anisitaanerisa malitsiganik unamminerit inerneri aamma peerneqartut Island Gamesimi komiteemit oqaatigineqarpoq.
Taamaasillutik Kalaallit arsaattartuisa bronzinnanniunnissamut anngunnissaminnut isertitsinerit marluk taamaallaat amigaatigilerpaat.
- Menorcanmut ippassaq unamminermi ajorsarnerat nikallortitsigaluarpoq, massakkulli tamarmik isumalluaqqilerput, GIF-imit oqaatigineqarpoq.