Isikkamik arsaanneq takutinneqarsinnaassagunarpoq
Aallakaatitsinermik piginnittussaatitaasut isumaqatigiissuteqarfigineqarnerisigut, isikkamik arsaalluni Europami pissartanngorniunnerit ataasinngorpamiit aallakaatinneqarsinnaanngussagunarput. Erseqqissaassutigineqarporli isumaqatigiissut ataasinngorpat aatsaat qulakkeerneqarsinnaasoq.
Aallakaatitsinernik piginnittussaasut TV2-lu neriorsuutigaat isumaqatigiissut ataasinngorpat naammassineqarsinnaassasoq.
Aallakaatitsinermik piginnittussaasut tassaapput Tysklandimeersut SportFive.
Unamminerit siulliit sapaatip-akunnerup naanerani aallakaatinneqarsinnaannginnerat KNR-imit ajuusaarutigaarput, siornatigulli oqaluttuarereerparput TV2-p ullumi aatsaat nalunaarutigigaluaraa pissartanngorniunnerit Kalaallit Nunaanni aallakaatinneqarsinnaanngitsut.
Tamannali maanna allanngortussanngorunarpoq, ataasinngorpamiillu aallakaatitsisoqarsinnaalissagunarluni.