Assi: Scanpix

Isikkamik-arsaanneq: Kasper Hjulmand Danmarkip nunanut allanut unammisartuinut sungiusaasunngussasoq

Danskit isikkamik arsaannermi nunanut allanut unammisartuinut 2016-imiilli sungiusaasuusoq Åge Hareide Kasper Hjulmandimit taarserneqartussanngorpoq, Morten Wieghorstilu tassunga ikiortinngortinneqassaaq.

Kasper Hjulmand danskit nunanut allanut unammisartuinut 2020-mi aasakkut sungiusaasunngussaaq.

Dansk Boldspil-Union (DBU) tusagassiortunik ullumi katersortitsinermi taama paasissutissiivoq.

Danskit isikkamik arsaannermi nunanut allanut unammisartuinut 2016-imiilli sungiusaasuusoq Åge Hareide Kasper Hjulmandimit taarserneqartussanngorpoq, Morten Wieghorstilu tassunga ikiortinngortinneqassaaq. Åge Hareidep isumaqatigiissutaa 2020-mi EM-eqareerpat atorunnaassaaq.

Sungiusaasut unammisartullu EM-imut anngunniunnissamut eqqissillutik piareersarniassammata sungiusaasup taarserneqarnissaa maannangaaq nalunaarutigineqartoq, DBU-mi isikkamik arsaannermut pisortaq, Peter Møller oqarpoq.

- Danmarkimi isikkamik arsaannermut 2020-p tungaanut nutaamik periusissiorlutalu pilersaarusiussaagut, tamannalu DBU-p suliassaata pingaarnersaraa. Danmarkimi isikkamik arsaanneq siuarsaavigalugulu ineriartortissavarput, pisortaq oqarpoq.

Kasper Hjulmand nunanut allanut unammisartut sungiusaasuattut ukiunut sisamanut isumaqatigiissuteqarfigineqarpoq.

Taanna superligami klubbimi FC Nordsjællandimi marsimi ingerlaannartumik atuutilersumik tunuarnissami tungaanut sungiusaasuuvoq.

Tamanna sioqqullugu Tysklandimi klubbimi Mainzimi sungiusaasuuvoq, ukiulli affaannaa tassani sungiusaasooreerluni soraarsitaavoq.

Hjulmand FC Nordsjællandimi sungiusaasuunermini Danmarkimi kuultinnallunilu bronzennappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat