Isikkamik arsaalluni GM ullumikkut aallartissaaq
Ullumikkut isikkamik arsaalluni Kalaallit Nunaanni inersimasut pissartanngorniunnerat Qaqortumi aallartissaaq.
GBU-p programmiani maluginiagassaavoq ukioq manna Tunumeersunik peqataasoqassanngitsoq.
Meeqqat nukarliit pissartanngorniunnissaanni Nuummeersut holdit marluk, tassa GSS aamma B-67 peqataatitaqassapput, aamma N-48 Ilulissaniit, Kâgssassuk Maniitsumiit kiisalu Kugsak-45 Qasigiannguaniit.
Utoqqasaat pissartanngorniunnissaanni aamma NUK B-67-lu tamarmik aamma Nuummeersut peqataatitaqassapput, aamma Kaassassuk Maniitsumeersoq kiisalu SAK Sisimiuneersoq pissartanngorniuteqataassapput.
Ullumikkut B-67 aamma Kâgssagssuk unammissapput, aamma NUK SAK-lu unammissallutik.