Isiginnaarutit aamarsuarnik nukissiorfittulli mingutsitsitigisarput
TV-kkut isiginnaarutit takussaaleraluttuinnartut manissuinnangajaat alutornaqaat, kusanaqaat, avatangiisilli pillugit ilisimatuup misissuinerisa takutippaat mingutsitsineq eqqarsaatigalugu isiginnaarutit aamarsuarnik nukissiorfittulli mingutsitsitigisartut, silallu kissakkiartorneranut tapertaalluarlutik.
juulip 04-at 2008 14:33
Isiginnaarutit, atuagassiami Ingeniørenimi allaaserisaq naapertorlugu, sananeqarneranni, avatangiisinut mingutsitsisarnerujussuaq pisiniarfinni akiinut naapertuutinngilaq.
Isiginnaarutit sananeqarneranni gassi silamik kissakkiartortitsisut ilaat – NF 3 – atorneqartarpoq, taannalu CO2-mut naleqiullugu ukiut hunnorujut ingerlaneranni 17.200-riaammik silamik kissakkiartortsitsineruvoq.
Avatangiisit pillugit ilisimatuup aviisimut “The Guardian”-imut oqarnera naapertorlugu, isiginnaarutit manissuinnangajaat sananeqarnerat aamarsuarnik nukissiorfinnit siunissami mingutsisarnerusalissasoq, taamaalilluni silap kissakkiartorneranut pisuujunerpaanut ilaalissalluni.
