Isiginnaarut atorlugu apersuisarneq apeqquserneqarpoq

Kalaallit Danmarkimi isertitsivimmiittut eqqartuunneqarnerminni isiginnaarut atorlugu apersorneqartaleraluttuinnarput. Tamanna isertitsivimmiittut illersuisuinit qalliinnarsiortumik apersuinertut nalilerlugu ernumanartoqartinneqarpoq.

Nunatsinni eqqartuunneqaramik killeqanngitsumik Herstedvesterimi imaluunniit Risskovimi tarnimikkut nappaatillit uninngasarfianniittussanngortinneqarput. Isertitsivimmiittut ukioq allortarlugu pineqaatissiissutertik allanngortinneqarsinnaanersoq eqqartuussivimmit nalilertissallugu pisinnaatitaaffeqartinneqarput. Eqqartuussiviup nalilertarpaa pineqaatissinneqartoq inuiaqatigiit akornannut ilannguteqqinnissaminut tulluunnersoq. Nalilersuinissarlu nunatsinni ingerlanneqarsinnaavoq, soorlu Nuup, Aasiaat, Paamiullu eqqartuussiviini.

Teknikkili nutaaliaq atorlugu eqqartuussisoq Aasianniit, pineqaatissinneqartup illersuisua Nuummiit pineqaatissinneqartorlu nammineq Tele Greenlandip Danmarkimi qullersaqarfiani Herlevimiit isiginnaarut atorlugu nalilersuineq maanna ingerlanneqartalerpoq.

Pineqaatissiinneqartoq nunatsinni inuiaqatigiinnut pisinneqaqqissinnaanerminik nassuiaasarpoq Nunatsinniit kilometerinik 4000-nik ungasissusilimmi isiginnaarut kisiat isigalugu.

Pineqaatissinneqartup Danmarkimi illersuisuata tamanna toqqissisimananngitsutut isumaqarfigaa:

- Isiginnaarutit atorlugit nalilersuisarneq ernumanartippara. Peqataaffiginikuuvara taamanilu misigisimavunga nalilersuineq itisilerlugu ingerlanneqanngitsoq, ukiuni 13-ini illersuisutut sulisoq Lena Christiansen taama oqarpoq.

Ukioq kingulleq nunatta Danmarkillu akornanni isiginnaarut atorlugu ikinnerpaamik 30-eriarluni taamatut nalilersuisoqarpoq. Nalilersuinerit siornamut naleqqiullutik amerleriarsimasutut illersuisunit isumaqarfigineqarput.

- Attaveqaatit ajorteqattaarnerata kingunerisaanik apersuineq unitsinneqartarpoq, tamannalu isertitsivimmiittumut toqqissimananngilluinnartoq malugisinnaavara, illersuisoq Katrine Kleist taama oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat