Isiginnaartitsisussarsiornerminni piukkussaqarnerarput
- Ilaana. Piukkunnartoqaqaaq. Misilittagaqarluartut, soorlu Tuukkaq Teaterimi isiginnaartitsisarsimasut, allallu misilittagakinnerit kiisalu misilittagaqanngivissut misilitsinnermi peqataapput. Isumalluarpugullu.
Misilitsittut minutsini pingasuni sisamaniluunniit piareersarteriarlugit sungiusakkamik ilaannik marlukkaarlugit isiginnaartitsisittarpavut. Misilitsittut tamaasa immiuppavut, kingusinnerusukkut isiginnaartitsisartoqatigiit Silamiut peqatigalugit piukkussatsinnik toqqaaniarluta. Misilitsinnermut peqataasut tamarmik qaammatip ataatsip ingerlanerani toqqarneqarsimanerlutik toqqarsimannginnerlutilluunniit nalunaarutisisissapput.
Isiginnaagassialiassaq “Nuummioq” Nuummi aasaru
Immiunneqartussaavoq. Isiginnaartitsisussarsiorneq Ilimmarfimmi ullap tungaa nalunaaqqutaq quliniit ingerlanneqarpoq, ualereersorlu naammassilluni.