Isiginnaartitsissut nuannarineqaqisoq angallakkaat
Isiginnaartitsissusiap "Jappa"-p angallanneqarnera assigiinngitsutigut unammillernartoqarsimavoq.
Assersuutigalugulumi Qaqortumut, Sisimiunut Ilulissanullu angallanneqarnerani timmisartuussinerit aallaqqaammut iluatsinngitsoortarlutillu kinguaattooqqaffiusarsimagamik.
Isiginnaartitsisartulli tikitassartik tamatigut iluatsittarsimavaat, isiginnaartitsissusiarlu iluatsilluarsimalluni.
Nunatta Isiginnaartitsisarfiani isiginnaartitsisartut Ilulissanit ippassaq Qasigiannguanukarlutik malissiorsimaqaat, Ilulissanullu utiinnartariaqarsimallutik.
Qasigiannguanulli ualeq manna anngussinnaasimapput, isiginnaartitsissusiaallu unnugu tassa isiginnaariarneqarsinnaanngorluni.
"Jappa"-mik isiginnaartitsisut taava aqagu Aasiannukassapput, isiginnaartitsissusiaallu Aasiaat katersortarfianni pingasunngorpat isiginnaariarneqarsinnaassaaq, GUX-imilu sisamanngorpat isiginnaariarneqarsinnaassalluni. Nunatta Isiginnaartitsisarfiata angalatitsisua Manasse Berthelsen taama oqarpoq.
Upernavimmiut taava novembarip ulluisa 16-ianni tikinneqassapput, "Jappa" tassani isiginnaariarneqarsinnaassalluni.