Isiginnaartitsissut "Brønden" Nunatsinni siullerpaamik takutinneqalersoq
Isiginnaartitsissummik suliarinnittoq tassaavoq Teater Solaris, taassumalu tusagassiorfinnut nalunaaruteqarluni oqaatigaa isiginnaartitsissut tassaasoq "quiasaarut alianartortalik, silarsuarmi equngasumi, eqqumiitsumi peqqarniitsumilu pisoq."
Isiginnaartitsissut tarnikkut nappaateqarnermut tunngasoq aamma arfininngorpat takutinneqassaaq. Kingornalu aamma Sisimiuni kulturikkut illorsuarmi Taseralimmi septembarip arfineq-aappaani takutinneqassalluni.
Isiginnaartitsissut tarnikkut nappaatit pillugit oqallissaarutaavoq, paquminarunnaarsitsiniarnermik aammalu nappaatillit nappaateqarsimasulluunniit immikkoortinneqannginnissaannik oqariartuuteqarluni.
Katuami isiginnaartitsinerup kingorna ilitsersuisartup Sananda Solarisip isiginnaartitsisartullu marluusut namminneq oqaluttuassaatitik isiginnaarianut oqaluttuarissavaat.