VIDEO Isiginnaartitsisartut pikkorissartut

Nunata Isiginnaartitsisarfiani sunngiffimmi isiginnaartitsisartut pikkorissarmata Innaarsuniit, Maniitsumiit, Qaqortumiit, Sisimiuniit aamma Nuummiit peqataasoqarpoq.

Pikkorissarnermi ilaatigut misigissutsit isiginnaartitsinermi takutinneqarsinnaasut soorlu kamak nuannaarnerlu sungiusarpaat. Peqataasullu ilaat pissarsiaqarluarsimalluni oqaluttuarpoq.

- Ilulissanut uteruma ilikkakkakka peqatigiiffitsinni Inuit Holliwood-imi ingerlatikkusuppakka, Jensigne Jensen KNR-imut oqaluttuarpoq.

Pikkorissartut ippassaq tallimanngornermi pikkorissarnertik isiginnaartitsinermik naggaserpaat. Tamannalu pinnginnerani pissangasimaqissoq peqataasut ilaat oqaluttuarpoq.

- Isiginnaagassiaq misigissutsinik attuilaartussaavoq, nammineerluta misigisagut kattunneratigut isiginnaagassiaq pilersinnikuugatsigu, Angutinnguaq Schmidt Sisimiormiu oqaluttuarpoq.

Qanoruup ilanngutassiaa allaaserisat qulaaniittoq takuuk.