Isiginnaartitsisartunngorniat isiginnaartitserngaartussanngortut
Juullip qaammataani isiginnaartitsisartunngorniat isiginnaartitseqqaalersut, Nunatta isiginnaartitsisarfiata nalunaarutigaa.
Isiginnaagassiaq nunaqarfimmi Saqqami 60-ikkut naajartorneranni misigisat tunngavigalugit suliaasimavoq, nunaqarfimmiut illoqarfinnut noorarlutik aallartinngikkallarmata.
Juullertinnagu ukioq kaajallallugu pisartuni meeqqat inersimasullu ukiussamut pikisarnerat ilaatigut isiginnaagassiarneqarput.
Meeraanermit misigisat pillugu Varste Mathæussenip nammineerluni isiginnaagassiaq allataralugulu inuttaaffigalugu isiginnaartitsissutigisareerpaa.
Piareersarnermi isiginnaartitsisartunngorniat erinarsortartoq, Karina Møller peqatigalugu sungiusarput.
Juullimut inuulluaqqusinissamut atatillugu isiginnaartitsisartunngorniat Uummannami meeqqat illuanniittut peqatigalugit immiusseqqammerput.
Ilaqutariinnut isiginnaagassiaq Nunatta isiginnaartitsisarfiani sapaatit akunnerisa naanerini tassa decemabrip 3-ani 4-nilu kiisalu qulingani aqqarnganilu nalunaaqutaq marlunnit isiginnaartitsissutigineqassaaq.
